Sonst könnt i des jetzt ziemlich sicher nimma tippn, Gott hat mi nähmlich gestern total beschützt.
I war ja gestern noch beim Flo DVD schaun (a paar von euch ja a) und so gegn 12 oder so bin i dann heimgfahrn. Und ihr kennts sicher den Autobahnabschnitt, wenn ma IBK Ost auffährt und richtung Oberland gast. Also jedenfalls fahr i da grad bei der Abzweigung wos am Brenner aufigeht vorbei und auf oanmol reists mi volle weil i check, dass i schon a guts Stück hinterm Bergisel-Tunnel bin. I muss da voll den Sekundn (eigentlich sogar ziemlich viele Sekundn)-Schlaf ghabt ham. Und i hab dann volle lang überlegt, was jetzt des letzte is, wo i mi erinner, dass i gfahrn bin und durchn Tunnel bin i ganz sicher nit gfahrn! Und dabei macht der sogar a Kurvn. Folgepfeil. Schlafend schafft man des normalerweise allein nicht. Folgepfeil. Hätt Gott mi nit beschützt, würd i jetzt an der Tunnelwand kleben und nix mehr schreibn.
I hab dann an Psalm 23 denkn müssn, wo steht: "Der Herr ist mein Hirte, mir wird nichts mangeln". Und des hat auf gestern definitiv zutroffn.

Des ganze hat mi a ziemlich nachdenklich gmacht, und i bin aufn Gedankn kommen, dass Gott eigentlich sooo viele Wunder tut, oft "nur" ganz kleine, und wir sehn sie einfach nit weil wir so oft davon ausgehn dass er grad gar nix tut...

cu Christoph